Повод за денешно свикување на новинарите е што сакаме да укажеме на лицемерието и демагогијата манифестирана од страна на владеачката коалиција во текот на изборната кампања. При што посебно се истакнува г. Стоилковиќ кој се претставува како Србин, имено:

Во својот изборен флаер експлицитно се залага за солидарност со браћа Срби од Косово и Метохија во напорите за очувување на територијалниот интегритет на Република Србија.

Каков цинизам кон Србите, божем заборавивме дека тој беше активен соучесник во чинот на признавање на К и М од страна на ВМРО-вската влада.

Исто така запишал дека ќе се залага за зачувување на јазичниот, културниот и духовниот интегритет и идентитет на Србите во Македонија.

А истиот беше кочничар за воведување на српскиот јазик како втор службен јазик во општина Старо Нагоричане.

Врвот на лицемерието е злоупотреба на српските великани и ликот на тенисерот Ѓоковиќ при што го потсетуваме г. Стоилковиќ  дека не му е место таму, бидејќи Ѓоковиќ е победник а не предавник.

И на крај го прашуваме г. Стоилковиќ кога лажеше?

          Кога ветуваше дека ќе го напуштиш Собранието и Владата на РМ по чинот на признавањето на К и М?

          Кога во изборните кампањи ветуваше дека ќе се залагаш за зачувување на националниот идентитет на Србите во РМ, а буквално ништо не стори, или сега и секогаш кога сакаш уште еднаш да го злоупотребиш Српскот барјак за личен комодитет и конфорот на твоите блиски?

Е затоа Србите во РМ нема да ти дадат подршка.

И по долгогодишниот престој во Собранието на РМ основано се сомневаме во целите за повторно влегување бидејќи по продажбата на Српската куќа останаа за продажба само српските национални интереси.                                                                        

Ја користиме оваа прилика да ги повикаме сите наши членови и симпатизери масовно да земат учество на опозициониот митинг во петок на 03.06. 2011 на градскиот плоштад во Куманово.

ДОСТА Е!

Г-дине Стоилковиќ што е доста, доста е!

По повод настапот на г-динот Иван Стоилковиќ на нарачаното интервју на Сител телевизија со Латас, а во врска со вербалниот инцидент во Собранието на РМ меѓу него и г-ѓа Радмила Шекеринска актуелент пратеник на СДСМ.

            Српска Напредна Странка ги осудува секакви закани за селење на било кого а особено доколку тоа беше закана кон српскиот корпус, бидејќи политика на етнички селења е анахрона и на никого не му носи добро.

            Во вчерашново интервју г-динот Стоилковиќ ликуваше пред македонската јавност како после добро завршена валкана работа, и несвесен дека е само инструмент на туѓа политика „divide et impera“. Со овој настап г'дин Стоилковиќ не само што беше безобразен, невоспитан, крајно дрзок, вулгарен и навредлив кон Србите во РМ туку покажа една ниска политичка култура, да не речеме некултура, што е олицетворение на таков ментален склоп.

            Г-дин Стоилковиќ, поради сево ова, поради твоите резултати под наводници, поради одбраната на српска куќа како законодавна власт, поради исполнето ветување за напуштање на коалицијата со ВМРО-ДПМНЕ, поради признавање на Косово и Метохија, поради тоа што ние „немаме врска со мозокот“ ДОСТА Е, те молиме немој веќе да не представуваш оти сме возрасни и мошне јасно ги разликуваме Бранковиќи и ситно шиќарџиска божемна политика.

            Во клучните моменти за Србите на Балканот, Вие г-дин Стоилковиќ ништо, ама баш ништо не сторивте, уште полошо, со своите постапки и со своите настапи покажувате дека сме добри политички вазали, без разлика во кој политички табор се наоѓате бидејќи свој и немате. Иако долго се јавувате на политичката сцена, оти секогаш се потребни сервилни личности кои ќе ги вршат валканите работи за т.н. големи политички субјекти и туѓи политики. Заради сето ова, доста е. Доста не представувате и доста не срамевте, бидејќи не можете, не сакате, не смеете или не умеете да ги артикулирате политичките интереси на Србите, и ова што го работите сега и сето она што ни го сработевте досега е злосторство кон Србите, зошто кога-тогаш ќе ги поднесете сметките, оти злосторствата никогаш не застаруваат.

            За ваша несреќа, за среќа на Србите во РМ нѐ има уште много повеќе кои имаме врска со мозокот, кои умееме и смееме да ги артикулираме политичките интереси и кои не тргуваме со националните чувства.

            Сепак Ви благодариме што си го одкривте своето право лице, својот политички профил, за да тргнеме кон конечното обединување и градење на самостојна автохтона политика која ќе е во интерес на сите граѓани, секако и на Србите, со која никој нема да не сели оти на нас од селби и делби ни е преку глава, на крај и ве разбираме. Човек кој секогаш бил во туѓ табор а никогаш не излегол на избори, па не е представник ни на партиската значка која ја носи, затоа и за сето предходно, доста е. Погледнете си во патоказот кон историјата, доста е!

• Почетна страна
• Архива
• Фасцикле
• Линкови

• Соопштение 01.06.2011
• Соопштение

• Генерална [2]

• RSS 0.90
• RSS 1.0
• RSS 2.0
• Atom